在《品牌流行Cook! 》電視節目內, 我除了訪問了學貫中西、高轉數的大家樂CEO陳裕光先生之外, 亦訪問了轉數快的著名廣告「腦」作人、專欄作家兼影評人畢明小姐。過去任職4A廣告公司時,曾替大家樂度廣告的畢明認為, 替大家拍廣告的最大挑戰是, 如何在製作預算,緊廹的時間限制內, 仍然掌握到大家樂的品牌個性, 引爆創意藥引…

在節目結尾,我又試戴上品牌顧問帽子, 用了一個「R.A.B.B.I.T 」字, 來總結大家樂的「高轉數」品牌秘訣:

R字代表「反應快、高轉數」 (Responsive)--- 大家樂貼「市」、貼「客」, 清楚捕捉香港飲食文化、普羅食客需要—例如極抵玩的下午茶餐、煲仔飯、一哥火鍋等!

A字代表「留意細節」 (Attention to Details)---從航空Look員工制服、燈光、音樂、服務、以至食品賣相, 均經常考究講究。

B字代表「品牌承諾」 (Brand Promise)---想起大家樂, 立刻想起「平靚正兼夾快趣」的 品牌承諾。

B字代表「品牌教練」 (Brand Coaching)--- 陳裕光先生所扮演的正好是一位綜覧大家樂品牌戰略全局的品牌領導、指導--- 品牌教練角式 !

I字代表「進步進取」 (Improvements-driven)--- 除經常看書, 四處品嘗美食取靈感之外,陳生亦會久不久替大家樂裝修,進行Upgrade 和Update, 保持品牌朝氣動力。

T字則代表「跨時品牌口號」 (Timeless Slogan)--- 「為您做足100分」是極度深入民心, 長久耐用的品牌口號….

記得某年, 與李力持同為本港某機構做培訓—講創意思考, 發覺他真的是橋多---創意密密Cook之人, 因此今回主持《品牌流行Cook! 》電視節目, 當然第一時間找來《食神》李導演現身說法, 看看這位識食, 有要求的「高B」食客, 怎樣解構稻香這個品牌…

他和稻香的CEO梁耀進先生均認為「抵食新煮意」, 是稻香品牌上位、上位、上上位的原因, 皆因「平靚正」是稻香品牌的DNA兼核心價值, 而且稻香屬下亦有不同品牌---有一個「品牌庫」 ( Brand Portfolio), 當中包括潮樓、上樓、客家好棧等, 大包圍地照顧不同層面的為食之人!

稻香是本港其中一間最早找我做「麻辣」顧客投訴處理 (Spicy Customers Complaints Handling)培訓的著名食肆, 可見他們是先行者, 看到討好顧客才可建立抵食、抵錫品牌 。在節目內, 我用了一項「C.H.I.C.K.EN. 」—「公雞戰略」來總結稻香的品牌成功; 而當年以「一蚊雞」打響招牌, 正是「創意密密COOK」的最佳見証 。

大概在三年幾之前, 有一日電話響起, 好合拍(Wellfit)嘅一位同事Call我, 問我有冇興趣拍一套我嘅講座DVD!?

由於當時, 我有不少品牌顧問及培訓工作, 都是在國內或外地進行, 因為Timing和太忙的關係, 再加上從未想像過會替自己的講座出DVD, 因此只好錯失良機,未能夠喺自己後生多幾年之前---喺自己更Young Looking之前, 就一早學人出鏡做節目.

事隔三年多之後, 我多了時間喺香港, 兼且Timing 更加Good Fit, 因此就主動聯絡番Wellfit嘅Patrick (蕭仔), 與他舊事重提, 傾倾出講座DVD嘅事, 點知大家的創意及合作路線都非常啱Key-- 好合拍! 蕭仔提議不如就拍一個專門訪問本港出色食肆嘅資訊娱樂節目, 喺NOW TV 538台嘅家娛頻道--fnB”節目時段內播出. 我話不如就專講成功食肆品牌---叫做品牌流行Cook! 啦…

行動派兼夾轉數快嘅蕭仔, 不出一星期便約齊所有人,包括fnB老板葉偉忠先生, Johnny傾呢個Show嘅合作及製作路線, 大家對節目嘅創意方向也很喜歡, 城中不少著名的食肆品牌 CEO, 創辨人和Celebrities也先後答應在 品牌流行Cook! 節目內亮相, 確實受寵若驚, 無言感激.

喺呢度再三多謝大家, 仲要特別多謝家娛頻道CEO 梁生, Towngas - 媒氣公司,經濟日報, 以及品牌流行Cook! 節目嘅導演Leslie(叻哥).